Atem av Tangerine Dream
Atem Album av Tangerine Dream | ||
Utgjeve | Mars 1973 | |
Innspelt | Desember 1972 til januar 1973 | |
Studio | Dierks Studio | |
Sjanger | ||
Lengd | 41:28 | |
Selskap | Ohr | |
Produsent | Tangerine Dream | |
Tangerine Dream-kronologi | ||
---|---|---|
Zeit (1972) |
Atem | Phaedra (1974)
|
Meldingar | |
---|---|
Karakter | |
Kjelde | Karakter |
AllMusic | ![]() ![]() ![]() ![]() ![]() |
Head Heritage | positive[2] |
Atem er det fjerde studioalbumet til det tyske electronicabandet Tangerine Dream.[3] Det kom ut i mars 1973 og var det siste albumet dei gav ut på plateselskapet Ohr.
Innspeling
[endre | endre wikiteksten]Atem vart spelt inn i desember 1972, og denne gongen vart det gjort heilt utan hjelp frå gjestemusikarar.
Edgar Froese sa i Melody Maker i 1994: «Atem var byrjinga av eit eventyr. Dei neste åra prøvde me stadig å forbetre og eksperimentere, og sjølv om det ikkje var perfekt - me laga ikkje alltid bra musikk - var det ei tid som gav meg rikare opplevingar enn andre.»[3]
Musikk
[endre | endre wikiteksten]Musikken på Atem varierer frå langsame atmosfæriske stykke til meir aggressiv perkusjon og vokaleksperiment med dynamisk Mellotron. AllMusic skildra stilen på albumet: Atem er meir melodisk og mindre dissonant enn dei tidlegare verka til Tangerine Dream. Denne besetninga set ein fin toppspinn på den gamle progrockstilen. Sjølv om det er vanleg å sjå TD oppført som progressiv rock og kunstrock, er dette albumet rein kosmisk musikk.»
Albumet vert rekna som det siste av «Pink-åra» og framtidige album skulle bli meir strukturerte (og kommersielle). Julian Cope og Head Heritage skildra det som Tangerine Dream sitt «overgangsalbum».[2]
Barnet på framsida av omslaget er Jerome Froese, sonen til Edgar Froese, som seinare vart medlem av Tangerine Dream. Han var 2,5 år då dette albumet kom ut.
Utgjeving og mottaking
[endre | endre wikiteksten]Radio-prataren John Peel var særs entusiastisk overfor dette albumet og tok det med på lista si over årets album i 1973. Han skreiv og ringde til Edgar Froese for å fortelje han kor godt han likte musikken deira. Det var gjennom denne merksemda at britane for alvor la merke til Tangerine Dream og albuma deira vart bestilt via postordre frå Tyskland. Atem og Alpha Centauri vart begge offisielt gjevne ut i Storbritannia på Polydor på den tida.
I ei seinare melding skreiv Head Heritage at det var «Tangerine Dream si mest eventyrlystne og spanande lytteoppleving», og tittelsporet vart skildra som «det mektigaste augneblikket til TD».[2]
Innhald
[endre | endre wikiteksten]Alle songar er skrivne av Edgar Froese, Christopher Franke og Peter Baumann.
Nr. | Tittel | Lengd |
---|---|---|
1. | «Atem» | 20:27 |
Nr. | Tittel | Lengd |
---|---|---|
1. | «Fauni-Gena» | 10:47 |
2. | «Circulation of Events» | 5:52 |
3. | «Wahn» | 4:29 |
Medverkande
[endre | endre wikiteksten]- Edgar Froese – mellotron, orgel, gitar, røyst
- Peter Baumann – orgel, piano, VCS3
- Christopher Franke – VCS3, trommer, perkusjon, orgel, røyst
Kjelder
[endre | endre wikiteksten]- Denne artikkelen bygger på «Atem (album)» frå Wikipedia på engelsk, den 9. april 2013.
- Wikipedia på engelsk oppgav desse kjeldene: